Nyuma y’ukwezi Bayisenge Emery asinyiye USM Alger yamaze kumusezerera

Yanditswe na

Sammy Imanishimwe

18-07-2018 - 21:09' | Ibitekerezo ( 1 )

Nyuma y’ukwezi Myugariro w’Amavubi Bayisenge Emery asinyiye ikipe ya USM Alger yo mu gihugu cya Algerie, Umutoza wayo Thierry Froger atangaje ko batakimukeneye biteguye no kumurekura akishakira Indi kipe.

Bayisenge Aimery akora ibizamini by'ubuzima mbere yo gusinyira USM Alger

Uyu mutoza yabitangaje mu kiganiro yagiranye n’itangazamakuru kuri uyu wa Gatatu tariki ya 18 Nyakanga 2018, nyuma y’umukino wahuje USM Alger na Rayon Sports, umukino warangiye itsinze Rayons Sport 2- 1.

Ubwo yabazwaga impamvu Emery Bayisenge wasinyiye USM Alger mu ntangiriro za Kamena 2018 atagaragaye mu bakinnyi yifashishije, yatangaje ko basanze batakimukeneye bagahitamo kumurekura ngo agende.

Bayisenge Emery yasinyiye ikipe ya USM Alger, avuye mu Ikipe yo mu cyiciro cya kabiri yo muri Maroc yitwa Jeunesse sportive El Massira yari amazemo umwaka urenga.