Mu mukino wa 1/2 wakinwe kuri uyu wa kabiri, ikipe y’igihugu y’Ubufaransa yatsinze Ububirigi igitego 1-0.

Ni igitego cyatsinzwe na Samuel Umtiti mu gice cya kabiri, ku mupira wari uturutse muri Koruneri awutsinda neza n’umutwe.

Igitego cya Samuel Umtiti cyagejeje Ubufaransa ku mukino wa nyuma

Gutsinda uyu mukino, byatumye Abafaransa bahita bagera ku mukino wa nyuma, aho bategereje ikipe izarokoka hagati ya Croatia n’Ubwongereza.

Ikipe y’igihugu y’Ubufaransa, yaherukaga kugera ku mukino wa nyuma mu mwaka wa 2006 itsindwa n’Ubutaliyani ku mukino wa nyuma, ikaba iheruka gutwara iki gikombe mu mwaka wa 1998, aho yegukanye iki gikombe itsinze Brazil ibitego 3-0.