Mu mafoto: uko imikino ya 1/8 mu gikombe cy’Amahoro yagenze

Ikipe ya Rayon Sports, Amagaju, Police na AS Kigali zateye intambwe muri 1/4 mu gikombe cy’Amahoro, nyuma yo gutsinda imikino ibanza

Musanze na Rayon Sports

Ni umukino wabereye kuri Stade ya Musanze, ikipe ya Rayon Sports itsinda Musanze 2-1, aho Musanze ariyo yafunguye amazamu ku gitego cya Niyonkuru Ramadhan, cyishyurwa na Nsengiyumva Moustapha, Tidiane Kone nawe atsinda icya kabiri umukino urangira utyo.

Abakinnyi babanjemo

Musanze: Ndayisaba Olivier, Kimenyi Jacques, Habumugisha Imanizabayo. Habyarimana Eugene, Kayitare Heritier, Munyakazi Yussuf, Niyonkuru Ramadhan, Maombi Jean Pierre, Peter Otema, Tuyisenge Pekeyake, Wai Yeka

Rayon Sports: 1 Ndayishimiye Eric Bakame, Nzayisenga Jean d’Amour, Irambona Eric, Mugabo Gabriel, Munezero Fiston, Niyonzima Olivier Sefu, Nova Bayama, Mugheni Fabrice, Tidiane Kone, Kwizera Pierrot, Nzengiyumva Moustapha

Aho igitego cya Musanze cya mbere cyaturutse ......

Police idafite umutoza mukuru yatsinze Gicumbi ya Okoko

Umukino ubanza wa 1/8 w’igikombe cy’amahoro wabereye ku kibuga cya Kicukiro warangiye ikipe ya Police itsinze Gicumbi 2-0, ibitego byombi byatsinzwe na Mico Justin ku munota wa 38 n’uwa 86.

Ikipe ya Gicumbi yabonye uburyo bugaragara mu gice cya mbere na Ntijyinama Pascal waje guhusha igitego cyabzwe imbere ya Nzarora, mu gice cya kabiri umutoza wungirije wa Police Bisengimana Justin yaje kongera imbaraga mu mukino yinjizamo Mushimiyimana Mohamed na Imurora Japhet, byaje gutanga umusaruro ku gitego cya kabiri cyahaye icyizere Police mbere y’umukino wo kwishyura uzaba kuri uyu wa gatandatu i Gicumbi. 

Umutoza mukuru wa Police Seninga Innocent nyiyagaragaye ku mukino kubera ikibazo cy’uburwayi. 

Ababanjemo

Police Fc : Nzarora Marcel, Mpozembizi Mohamed, Habimana Hussein, Twagizimana Fabrice(Cpt), Ndatimana Robert, Niyonzima J Paul, Nizeyimana Mirafa, Mico Justin, Biramahire Christophe, Usengimana Danny

Gicumbi:Bantu Adrien, Uwineza Jean de Dieu(Cpt) Muhumure Omar, Gasore Kanisa, Mungwarareba Aphrodis, Hakorimana Hamad, Uzayisenga Maurice, Ntijyinama Patrick, Mutebi Rachid, Ndayambaje Selemani, Nduwayo Valens

Mukura ku kibuga cyayo yatsinzwe na As Kigali amahirwe yo gukomeza mu gikombe cy’amahoro arayoyoka

Uyu mukino watangiye Mukura irusha As Kigali kugeza mu minota 15 y’igice cya mbere aho As Kigali yagarutse mu mukino byanayihiriye ubwo yatsindaga igitego cya mbere ku munota wa 29.
Iki gitego cyatsinzwe na Hamidu Ndayishimiye nicyo cyabonetse mu gice cya mbere kirangira As Kigali iyoboye ku gitego 1-0

Mu gice cya kabiri Mukura yongeye kuza ishaka kwishyura Igitego inabona uburyo bwo gutsinda ariko biza kwanga,amahirwe yo kwishyura ayoyoka ku munota wa 82 ubwo Cimanga Papy wa As Kigali yatsindaga Igitego cya 2.
Nyuma y’umukino Yvan Minaert yanenze abakinnyi be ngo kuko batakiniye hamwe aho ngo buri wese yakinaga ibye mu gihe Eric Nshimiyimana utoza As Kigali we yishimiye intsinzi akanavuga ko ibitego 2 bimuha amahirwe yo kugera muri 1/4

Ababanjemo:
Mukura:
Mu izamu: Mazimpaka Andre
Inyuma: Zagabe Jean Claude,Manirarora Ambroise, Shyaka Philbert na Twagirayezu Fabien

Hagati:Niyonzima Ally,Ndayegamiye Abou,Samba Cedrick na Ndayishimiye Christophe

Imbere:Nshimiyimana Ibrahim na Habimana Yussouf

AS Kigali: Mu izamu: Shamiru Batte

Inyuma:Iradukunda Eric,Mutijima Javier, Tubane James na Kayumba
Hagati:Nsabimana
Eric,Murengezi Rodrigue, Ndayisaba Hamidu na ntamuhanga Tumaine
Imbere :Mubumbyi Bernabe na Uwimana Emmanuel

Sunrise yari yanze gukina yahawe ibihumbi ijana, ubundi ihagama APR Fc yahabwaga amahirwe

Mu mukino wabereye kuri Stade ya Nyagatare, ikipe ya Sunrise yihagazeho inganya na APR Fc 0-0, mu mukino watangiye ukerereweho iminota 20, aho abakinnyi ba Sunrise bari banze kujya mu kibuga badahawe amafaranga ikipe ibabereyemo, gusa baje guhabwa amafaranga ibihumbi ijana kuri buri mukinnyi babona kwemera gukina.

Abafana babanje kujya kwizanira abakinnyi aho baba .....

Amagaju adahagaze neza muri Shampiona, yihereranye la Jeunesse

Ni umukino wabereye kuri Stade Mumena, Amagaju aza gutsinda iyi kipe yo mu cyiciro cya kabiri ibitego 2-0, ibitego byatsinzwe na Amani Mugisho ndetse na Manishimwe Jean de Dieu

Muhanga yo mu cyiciro cya kabiri, yahaye ikaze Kanyankore

Ikipe ya Muhanga, ni yo kipe rukumbi yo mu cyiciro cya kabiri ibashije kubona intsinzi mu gikombe cy’amahoro cy’uyu mwaka, aho yatsinze ikipe ya Bugesera igitego 1-0, iyi kipe itozwa na Kanyankore Gilbert Yaounde ikaba isabwa kuzitwara neza mu mukino wo kwishyura ngo irebe ko yazasezerera Muhanga.

kigalitoday android app mobile

Ibitekerezo   ( 3 )

Sunrise FC vs APR FC niyo match yarebwe nabafana benchi muri zose mwihere ijisho mwirebere??? Umunsi yazanye 2 coaches( haed coach with his assistant caoch qualified, 2 international strikers and 1 play maker ) we shall see the new APR FC like the former APR FC in 2003 which he will be competitive in the international competitions the loser’s gasenyi

stephen yanditse ku itariki ya: 11-05-2017  →  Musubize

Oooh Reyon!!!! Nutemera Urukwavu Yemerako Ruzi Kwiruka. Nabatemera Reyon Bemereko Ariyo Kipe Yambere Mu Rwanda Kandi Bemere Ko Ari Ikipe Y’Imana

Nepos yanditse ku itariki ya: 11-05-2017  →  Musubize

oooo reyon uratunezeza cyane nigikombe cyamahoro tuzagitwara leal madrid komerezaho

tuyizere jean de Dieu yanditse ku itariki ya: 11-05-2017  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka