Croatia itsinze u Bwongereza igera ku mukino wa nyuma w’igikombe cy’isi

Ku nshuro ya mbere Croatia ibashije kugera ku mukino wa nyuma w’igikombe cy’isi, nyuma yo gutsinda u Bwongereza ibitego 2-1.

Ikipe y’u Bwongereza niyo yafunguye amazamu ku munota wa 5 w’umukino, kuri Coup-franc yatewe neza na Trippier.

JPEG - 37.7 kb
Abongereza nibo bafunguye amazamu

Mu gihe igice cya mbere cyari cyarangiye ari 1-0, mu gice cya kabiri ku munota wa 68, Croatia yaje kwishyura ku gitego cyatsinzwe na Ivan Perisic.

JPEG - 55.2 kb
Ivan Perisic wishyuriye Croatia

Iminota 90 isanzwe y’umukino, yarangiye amakipe yombi anganya igitego 1-1, haza kwiyambazwa indi minota 30 y’inyongera.

JPEG - 53 kb
Mu gice cya kabiri Croatia yari yahushije uburyo bwinshi

Ku munota wa 108, ku mupira yari ahawe neza n’umutwe na Ivan Perisic, Mario Mandzukic yatsindiye Croatia igitego cya kabiri, bagihagararaho kugera umukino urangiye Croatia itsinze ibitego 2-1

Abakinnyi babanje mu kibuga:

U Bwongereza: Pickford, Walker, Stones, Maguire, Trippier, Young, Lingard, Henderson, Dele, Kane, Sterling.

Croatia: Subasic, Vrsaljko, Strinic, Lovren, Vida, Rakitic, Modric, Brozovic, Perisic, Mandzukic, Rebic.

PROMOTED STORIES

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka