Uyu mukino wa gicuti wahuje amakipe yombi watangiye ku i Saa Cyenda n’igice ubera kuri kuri Stade Amahoro i Remera, ukaba waranzwe n’ishyaka ku mpande zombi ariko biza kurangira Rayon ariyo yegukanye intsinzi y’ibitego 2-0.

AS Kigali yabanjemo

Ibi bitego byombi byatsinzwe n’umunyamali Moussa Camara byose yatsinze mu gice cya mbere aho ku munota wa 15 w’umukino yabashije gutsinda igitego cya mbere nyuma y’ishoti rikomeye ryari ritewe na Manishimwe Djabel maze Ndoli ntiyawukomeza, Moussa Camara wari hafi aho ahita atsinda igitego cya mbere.

Camara watsinze ibitego 2 bya Rayon yavunitse igice cya mbere kigiye kurangira

Minisitiri w’ingabo Gen James Kabarebe nawe yari yaje kwihera ijisho uyu mukino

Moussa Camara kandi yongeye gutsinda icya 2 ku munota wa 38 w’igice cya mbere kuri Penaliti, ni nyuma y’akazi kari gakozwe na Muhire Kevin winjiye mu rubuga rw’amahina ahereza umupira Manishimwe Djabel, maze myugariro wa AS Kigali awukoraho ihita iba Penaliti, Moussa Camara aza kuyinjiza neza, gusa mbere y’uko igice cya mbere kirangira ahita avunika.

Nshmiyimana Eric yakunze kwibutsa abasifuzi amwe mu makosa atemeraga mu gihe Masoudi yibutsaga abakinnyi ibyo bakora mu kibuga

Umutoza wa As Kigali Nshimiyimana Eric nyuma y’umukino yavuze ko kuba batsinzwe byatewe n’uko ikipe ye isanzwe ikinira ku bwatsi bw’ubukorano ariko ngo abakinnyi be bakaba bagowe n’ikibuga cy’ibyatsi by’ibiterano byo kuri Stade Amahoro.

Yagize ati”Twakinnye nabi kuko ntitwari dutuje mu kibuga abakinnyi bagowe n’ikibuga kuko guhindura ikibuga bitunguranye ntibyoroshye kandi kenshi iyo uhinduye ikibuga ako kanya hari igihe bikugora ariko icyangombwa ni uko byamfashije gukomeza kureba ikipe yanjye mbere ya Shampiyona”

Nkomezi Alex wavuye muri Sunrise mu gice cya kabiri yari ahagaze neza, ba Rutahizamu ba Rayon ababuza gutsinda ibindi bitego

Massoudi Djuma utoza Rayon we yishimiye intsinzi yabonye anavuga ko kuba batsinze As Kigali byazamuye morali ku bakinnyi ku buryo ngo bazatangira Shampiona neza.

Ati ”Ni umwiteguro mwiza kuba tugiye gutangira shampiyona dutsinze rero ni byiza kuko si buri kipe yapfa gutsinda As Kigali kuko ni ikipe nziza ifite abakinnyi bakomeye kandi ni ikipe ikunda kutugora buri munsi ariko byadufashije kuri morali mbere y’uko dutangira Shampiyona”

Rwigema Yves wavuye muri APR yinjiye asimbuye mu gice cya kabiri akinishwa iburyo imbere

Umuyobozi wa Rayon Gacinya Denis Ibumoso ari kumwe n’Umunyamabanga Gakwaya Olivier

Aya makipe yakinnye umukino wa Gicuti mu gihe habura icyumweru ngo shampiyona itangire kuko izatangira taliki ya 14 Ukwakira 2016.