APR yaguye miswi na Mukura yambura Kiyovu umwanya wa mbere

Yanditswe na

Aimable Mbarushimana

26-11-2017 - 18:56' | Ibitekerezo ( )

Umukino w’umunsi wa munani wa Shampiyona y’u Rwanda wahuzaga APR FC na Mukura VS warangiye amakipe yombi anganya igitego 1-1.

Igice cya mbere cyari cyarangiye amakipe yombi anganya 1-1. APR FC niyo yabanje gutsinda ku munota wa munani gitsinzwe na Buterera Andew, kishyurwa na Mutebi Rachid ku munota wa 35.

Mu gice cya kabiri nta cyahindutse kuko amakipe yakomeje gusatirana ariko ntihagira ibona igitego cy’intsinzi birangira ayo makipe agabanye amanota.

Kunganya kwa APR FC ariko byayifashije kurara ku mwanya wa mbere, iwukuyeho Kiyovu.

Zombi zifite amanota 15 zigatandukanira ku mubare w’ibitego zizigamye. APR FC izigamye ibitego bitandatu n’aho Kiyovu izigamye ibitego bitatu gusa.

Abakinnyi babanjemo ba APR:

Kimenyi Yves, Fitina Ombarenga, Ngabonziza Albert, Rukundo Denis, Rugwiro Herve, Buregeya Prince, Bizimana Djihad, Buterera Andrew, Hakizimana Muhadjiri, Maxime Sekamana na Nshuti Innocent.

Abakinnyi babanjemo ba mukura:

Rwabugiri Omar, Zagabe Jean Claude, Rugirayabo Hassan, Nshimiyimana David, Iragire Said, Ndayegamiye Abou, Duhayindavyi Gael, Hakizimana Kevin, Habihirwe Arsitide, Samba Sedrick na Mutebi Rachid.