Abakinnyi ba APR FC bizeye intsinzi nyuma y’imyitozo ikaze bamazemo iminsi

Uyu mukino uteganyijwe kuri uyu wa Gatandatu tariki ya 7 Mutarama 2017, ukazabera kuri Stade Regional i Nyamirambo, guhera saa cyenda z’amanywa.

Nyuma y’imyitozo yagaragayemo abayobozi bakuru ba APR barimo Gen.Kabarebe James na Perezida wayo Brig General Jacques Musemakweli n’abafana batandukanye, Jimy Mulisa yavuze ko ashingiye ku buryo abakinnyi be bahagaze, ngo nta kabuza azatahana intsinzi.

Yagize ati” Nkurikije imyitozo tumazemo iminsi, twizeye intsinzi kandi niyo buri gihe duharanira.”

Yavuze kandi ko adatewe impungenge n’abakinnyi be batazagaragara muri uyu mukino barimo, Twizerimana Onesme, Itangishaka Blaise, na Ngandu Omar, bitazamubuza kwegukana intsinzi kuri uyu munsi.

Amwe mu mafoto yaranze imyitozo ya APR FC :

Abazamu nabo bakoze imyitozo ikarishye

Umutoza Jimmy yereka abakinnyi uko batera imipira y’imiterekano

Nyuma y’imyitozo abakinnyi barambura imitsi

Rusheshangoga atera imipira y’imipira y’imiterekano

Mwiseneza Djamal wavuye muri Rayon wari waravunitse umwaka urenga yagarutse mu kibuga

Manishimwe Emmanuel yari mu bakinnyi bazifashishwa ku mukino wa As Kigali

Twizerimana Onesme wavuye muri As Kigali yavuriwe muri Maroc none yatangiye gukora imyitozo yoroheje

Nyuma y’imyitozo abakinnyi banywa amazi