Ku I Saa Cyenda zuzuyd nib wo umusifuzi Uwikunda Samuel yari asifuye ngo umukino utangire, APR Fc itangiza umupira ndetse ihita inatangira gusatira Amagaju, aho iyi kipe yari igiye no guhita itsinda igitego cya mbere ariko umupira Bigirimana Issa yari ahinduye kwa Nshuti Innocent ntiyabasha kuwuboneza mu izamu.

Abakinnyi babanje mu kibuga :

APR FC: Kimenyi Yves, Ngabo Albert, Rusheshangoga Michel, Nsabimana Aimable, Imanishimwe Emmanuel, Mukunzi Yannick, Nshimiyimana Imran, Bizimana Djihad, Hakizimana Muhadjili, Bigirimana Issa, Nshuti Innocent

APR Fc yabanje mu kibuga

Amagaju FC: Gadi Muhawenayo, Buregeya Rodrigue , Bizimana Noël, Arafati Sibomana , Nsengiyumva Djafari , Manishimwe Jean de Dieu , Munezero Dieudonné ,Ndizeye Innocent , Habimana Hassan, Amani Mugisho Mukeshe , Shaban Hussein Tchabalala.

Amagaju yabanje mu kibuga

Ku munota wa kabiri gusa w’umukino APR yafunguye amazamu, aho Bigirimana Issa wari wazonze Amagaju yaje kohereza umupira mu rubuga rw’amahina maze Hakizimana Muhadjili arasimbuka awutsinda neza n’umutwe.

Shabban Hussein Tchabalala w’Amagaju yacungirwaga hafi na Nsabimana Aimable

Ikipe y’Amagaju yasaga nk’iyatinze kwinjira mu mukino yaje gutuza itangira guhuza umukino ndetse inasatira ikipe ya APR Fc, gusa APR yaje kuzamukana umupira, myugariro w’Amagaju agiye kuwutera arwuhusha, Bizimana Djihad ahita atsindira APR igitego cya kabiri

Kimenyi Yves umunyezamu wa APR Fc yinjiye mu kibuga na morale nyinshi

Mu gice cya kabiri APR Fcyaje gukuramo Mukunzi Yannick yinjizamo Tuyishime Eric uzwi ku izina rya Congolais, mu minota 3 akigera mu kibuga yaje guhita amanukana umupira awutanga neza kwa Muhadjili awushibuye, ba myugariro b’Amagaju ntibabasha kuwumwambura maze ahita atsindira APR igitego cya gatatu.

Abatoza b’Amagaju batangaje ko abakinnyi babo batinze kwinjira mu mukino

APR F yaje gutsinda igitego cya kane gitsinzwe na Sekamana Maxime, iza no gutsinda igitego cya gatanu ku munota wa 90 w’umukino gitsinzwe na Nshuti Innocent.

Nyuma yo gutsinda uyu mukino, APR Fc yahise ibona itike yo kwerekeza ku mukino wa nyuma, aho igomba guhura na ESPOIR yasezereye ikipe ya Rayon Sports ku munsi w’ejo, umukino uteganyijwe kuri uyu wa kabiri tariki 04/07/2017, aho abanyarwanda baba banizihiza umunsi wo kwibohora.

Andi mafoto kuri uyu mukino

Abatoza b’Amagaju batangaje ko abakinnyi babo batinze kwinjira mu mukino

Mbere y’umukino aba Kapiteni bombi bifotozanya n’abasifuzi

Abasifuzi nabo babanje kwishyushya

Abafana bishimira intsinzi

Emmanuel Imanishimwe ni umwe mu bitwaye neza kuri uyu mukino

MENYA UMWANDITSI

Sammy Imanishimwe

Umunyamakuru

@ Samishimwe

Reba inkuru zose nanditse ( 2585 )