APR Fc inyagiye Gicumbi mu mukino wa nyuma Okoko yayitozaga

Ku mukino wa nyuma wa Okoko Godefroid werekeje muri Espoir Fc, atsinzwe na APR Fc ibitego 4-0 mu mukino wabereye i Gicumbi.

JPEG - 374.5 kb
APR Fc inyagiye Gicumbi ku kibuga cyayo

Ikipe ya APR Fc yatsinze igitego cya mbere nyuma y’aho Murenzi Patrick yari ananiwe kugumana umupira mu kibuga hagati, Nshimiyimana Amran arawumwambura awutanga neza kwa Bizimana Djihad wahise aboneza mu rushundura.

JPEG - 344.4 kb
Gicumbi ku kibuga cyayo ntiyorohewe

Mbere y’uko igice cya mbere kirangira, Nshimiyimana Aboubacar wa Gicumbi yakoreye ikosa kuri Hakizimana Muhadjili, bimuhesha ikarita ya kabiri y’umuhondo ndetse ahita anasohorwa mu kibuga.

Mu gice cya kabiri cy’umukino, kuri koruneri yari itewe neza na Bizimana Djihad, Mugiraneza Jean Baptiste Migy yahise atsinda igitego cya kabiri n’umutwe.

JPEG - 159.3 kb
Umukino ugitangira umusifuzi yatokowe, Rugwiro Herve aramugoboka

Nyuma y’iminota mike asimbuye Nshuti Innocent, Bigirimana Issa yatsindiye APR Fc igitego cya gatatu, ku mupira yari ahinduriwe neza na Ombolenga Fitina.

Ku munota wa 80, ku makosa yari akozwe na Uwingabire Olivier wagaruye umupira nabi, Bizimana Djihad yaje kurekura ishoti rikomeye umunyezamu Musoni Theophille ntiyamenya aho umupira unyuze.

Ikipe ya Gicumbi n’ubwo yakiniraga iwayo yakomeje kurushwa ndetse banayihusha ibindi bitego, umukino urangira itsinzwe ibitego 4-0.

Andi mafoto

Dukurikire ukanda kuri Like

Ibitekerezo   ( 1 )

nukuri pe iki sicyibuga kigikwiriye gukinirwaho muri vision kbs

niyomugabo jeanpierre yanditse ku itariki ya: 29-03-2018  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka