Ikipe y’Amagaju iraye ku mwanya wa mbere w’urutonde rwa Shampiona y’icyiciro cya mbere, nyuma yo kwihererana Bugesera ikayitsinda ibitego 3-1 mu mikino wabereye kuri Stade ya Kicukiro.

Shabban Hussein Tchabalala watsindiye Amagaju igitego cya mbere

Ikipe y’Amagaju itaherukaga gukura amanota mu mujyi wa Kigali, ni yo yafunguye amazamu ku munota wa 14 w’igice cya mbere gitsinzwe na Shabban Hussein Tchabalala, igice cya mbere kirangira ari icyo gitego 1-0.

Bugesera yabanje mu kibuga

Amagaju yabanje mu kibuga

Mu gice cya kabiri Bugesera yaje kwishyura igitego gitsinzwe na Samson Ikwechukwu, Amagaju aza guhita atsinda igitego cya kabiri cyatsinzwe na Ndizeye Innocent, Amagaju aza no gutsinda icya gatatu cyatsinzwe na Amani Mugisho Mukeshe, umupira urangira ari ibitego 3 by’Amagaju kuri kimwe cya Bugesera.

Amafoto ku mukino w’Amagaju na Bugesera

Nyuma yo gutsinda uyu mukino bashimye Imana

Twagirimana Pacifique, umunyezamu mushya w’Amagaju na Muhawenayo Gad usanzwe muri iyi kipe

Nininahazwe Fabrice bita Messi, nyuma yo kuva muri APR Fc ubu ari gukinira Bugesera

Mubumbyi Barnabe ntiyishimiye gutsindwa umukino we wa mbere muri Bugesera

Bugesera ubwo yatsindaga igitego ariko kiakngwa, nyuma y’aho Samson Ikechukwu yari yakoreye ikosa umunyezamu w’Amagaju

Ndatimana Robert wavuye muri Police Fc yari akinnye umukino we wa mbere wa Shampiona muri Bugesera

Nduwimana Pablo utoza Amagaju

Mu wundi mukino wabereye kuri Stade ya Kigali i Nyamirambo, Rayon Sports yanganyije na AS Kigali igitego 1-1, aho Bimenyimana Bonfils Caleb yari yatsindiye Rayon igitego cya mbere, As Kigali iza kwishyura igitego ku munota wa 89 gitsinzwe na Iradukunda Eric Radou ku mupira umunyezamu Ndayishimiye Eric Bakame yari yafashe ukaza kumucika

Uko imikino yose yo kuri iki cyumweru yagenze

Rayon Sport 1-1 AS Kigali
Miroplast 1-2 Marines
Bugesera 1-3 Amagaju
SC Kiyovu 1-0 Musanze

Imikino yari yabaye ku wa Gatandatu

APR FC 2-0 Sunrise FC
Etincelles 3-1 Police FC
Gicumbi FC 2-1 Espoir Fc
Kirehe FC 0-1 Mukura VS

Urutonde rwa Shampiona nyuma y’umunsi wa mbere