Mu mukino w’irushanwa rihuza amakipe yabaye aya mbere iwayo muri Afurika (CAF Champions League), ikipe ya Rayon Sports itahabwaga amahirwe menshi yaje kunganya n’iyi kipe yigeze no kwegukana iki gikombe mu mwaka wa 2016.

Shabban Hussein Tchabalala ari mu bazonze iyi kipe cyane

Ni umukino umutoza Ivan Minnaert yari yakoze impinduka nyinshi ugereranije n’ikipe yari imaze iminsi ibanzamo, biza no kumuhira kuko ikipe ye yugariraga neza ndetse ikanasatira, aho hari umupira wa Christ Mbondi wagaruwe n’igiti cy’izamu, aho abafana bari bahagurutse bazi ko Rayon Sports igiye kubona igitego.

Ndayishimiye Eric Bakame yakuyemo imipira myinshi yashoboraga guha Mamelodi igitego

Ku rundi ruhande, ikipe ya Mamelodi Sundowns nayo yahushije uburyo butatu bwari bwabazwe, ariko umunyezamu wa rayon SPorts Ndayishimiye Eric Bakame akaza kuyikuramo

Abakinnyi babanje mu kibuga
Rayon Sports: Ndayishimiye Eric Bakame, Mutsinzi Ange, Mugabo Gabriel, Usengimana Faustin, Eric Rutanga, Mugisha François Master, Mukunzi Yannick, Shabban Hussein Tchabalala, Kwizera Pierrot, Nahimana Shassir na Ismaila Diarra.

Mamelodi Sundowns: Denis Onyango, Morena, Arendse, Nascimento, Langerman, Kekana (c), Mabunda, Sirino, Tau, Vilakazi na Manyisa.

Andi mafoto kuri uyu mukino

Tchabalala ntiyigeze aha umutuzo ba myugariro ba The Brazilians nk’uko iyi kipe bayita

Nahimana Shassir ahanganye n’abakinnyi ba Mamelodi

Usengimana Faustin yari ahagaze neza mu bwugarizi

Niyonzima Olivier Sefu yemeye aramwurira ngo atawumutwara

Usengimana Faustin wa Rayon Sports yabangamiye cyane ba rutahizamu ba Mamelodi

Bashimira abafana babashyigikiye iminota 90 yose

Abakinnyi n’abatoza baririmba bati Rayon ni wowe dukunda

Abafana bagize itsinda rya Gikundiro Forever bari mu bashyuhije cyane Stade Amahoro

Ku yandi mafoto menshi wareba HANO

Amafoto: Muzogeye Plaisir