Rayon itsinze Gicumbi iwayo ibitego 2-0

Rayon Sports ibifashijwemo na rutahizamu mushya yakuye muri Mali yatsinze ikipe ya Gicumbi ibitego 2-0 mu mukino wabereye i Gicumbi kuri uyu wa gatanu.

Mu mukino watangiye ku i Saa cyenda n’igice, watangiye amakipe yombi asa nk’ayagowe n’ikibuga,gusa ikipe ya Gicumbi ku munota wa 15 w’igice cya mbere yaje kubona amahirwe ubwo rutahizamu wa Gicumbi yasigaranaga n’umunyezamu gusa,maze ateye umupira Bakame awugaruza amaguru.

Ikipe ya Gicumbi Fc yakiniraga ku kibuga cyayo
Ikipe ya Gicumbi Fc yakiniraga ku kibuga cyayo
Ismaila Diarra rutahizamu waturutse muri Mali,bigaragara ko afite imbaraga iyo atambuka
Ismaila Diarra rutahizamu waturutse muri Mali,bigaragara ko afite imbaraga iyo atambuka
Gicumbi aha yari imaze guhusha amahirwe yashoboraga kuyiha igitego
Gicumbi aha yari imaze guhusha amahirwe yashoboraga kuyiha igitego

Mbere y’uko igice cya mbere kirangira ,abakinnyi ba Rayon Sports barimo Djabel Manishimwe,Niyonzima Olivier Seff na Mugheni Fabrice bahererekanije umupira maze Niyonzima Oilivier Seff anyuze muri ba myugariro ba Gicumbi bamushyira hasi mu rubuga rw’amahina ariko umusifuzi ntiyabibona ahubwo amuha ikarita y’umuhondo.

Aha umwe mu batoza ba Rayon Sports yabuzaga umunyezamu wa Gicumbi kumena amazi mu izamu rya Rayon Sports ..
Aha umwe mu batoza ba Rayon Sports yabuzaga umunyezamu wa Gicumbi kumena amazi mu izamu rya Rayon Sports ..
Nyuma yaje guhita ajya kuyamena mu izamu...
Nyuma yaje guhita ajya kuyamena mu izamu...

Igice cya kabiri kigitangira ikipe ya rayon Sports yabonye Coup-Franc maze Munezero Fiston arayitera,nibwo Ismail Diarra rutahizamu iyi kipe yakuye muri Mali ahita abonera Rayon Sports igitego cya mbere ku mupira yatsinze n’umutwe.

Ismaila Diarra yatsinze ibitego byombi by'uyu mukino
Ismaila Diarra yatsinze ibitego byombi by’uyu mukino

Ubwo ikipe ya Rayon Sports yiteguraga gusimbuza umukinnyi Ismaila Diarra,yaje kuzamukana umupira maze acenga ba myugariro ba Gicumbi,arekura ishoti maze umunyezamu wa Gicumbi ntiyamenya aho umupira anyuze.

Rayon Sports yishimira igitego cya kabiri cya Ismaila Diarra
Rayon Sports yishimira igitego cya kabiri cya Ismaila Diarra

Igitego kikimara kujyamo uyu Diarra yaje guhita asimburwa na Mugisha François Master maze umusifuzi wa kane nawe yerekana iminota ibiri y’inyongera,ariko biza kurangira Rayon Sports itsinze Gicumbi 2-0.

Nyuma y'umukino abafana buzuye ku mutoza ndetse na Ismaila Diarra watsinze ibitego bibiri
Nyuma y’umukino abafana buzuye ku mutoza ndetse na Ismaila Diarra watsinze ibitego bibiri

Abakinnyi Rayon Sports yabanjemo:Ndayishimiye Eric Bakame , Munezero Fiston , Manzi Thierry , Mugenzi Cedrick , Tubane James , Kevin Muhire , Djabel Manishimwe , Emmanuel Imanishimwe , Mugheni Fabrice ,Niyonzima Olivier Seff , Ismaila Diarra

Indi mikino y’umunsi wa 10

12/2/2016

AS Kigali 1-0 Marines
Etincelles 0-3 Musanze
AS Muhanga 1-1 Rwamagana City
Sunrise 1-1 Bugesera

14/02/2016

Mukura VS vs Amagaju (Huye, 15:30)

17/02/2016

Police FC vs Espoir FC (Kicukiro, 15:30)

20/02/2016

SC Kiyovu vs APR FC (Stade de Kigali, 15:30)

kigalitoday android app mobile

Ibitekerezo   ( 1 )

Iki kibuga giteye agahinda. Kirasebya u Rwanda. Kiratesha agaciro championa
Nasabaga ko kitazongera gukinirwaho kikimeze kuriya

Pascal yanditse ku itariki ya: 14-02-2016  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka