Abanyamahanga mu bihariye ibihembo mu mikino yo kwibuka Jenoside yakorewe Abatutsi
Mu mpera z’iki cyumweru habaye imikino yo kwibuka abari abakinnyi, abatoza, abayobozi ndetse n’abakunzi b’imikino itandukanye bazize Jenoside yakorewe abatutsi mu 1994.
Mu mikino yari yiganjemo iy’amaboko yabaye mu mpera z’iki cyumweru, mu mikino yabashije kugaragaramo abanyamahanga, babashijwe kwegukana imyanya ya mbere nko muri Volleyball, Cricket ndetse n’umukino wa Chess
Volleyball: Abanyarwanda bigaragaje mu bagabo, naho mu bagore abanyamahanga biharira ibihembo
Mu bagabo
Gisagara VC yegukanye igikombe itsinze REG VC amaseti 3-0 (25-23,25-19 na 27-25).
Gisagara VC yageze ku mukino wa nyuma isezereye APR VC muri ½ iyitsinze amaseti 3-0 (25-17,25-18 na 25-15). REG VC yageze ku mukino wa nyuma isezereye UTB VC iyitsinze amaseti 3-0 (25-19,25-18 na 26-24). Umwanya wa 3, UTB VC yatsinze APR VC amaseti 3-0.
Uko amakipe yakurikiranye
1.Gisagara VC (Rwanda)
2.REG VC (Rwanda)
3.UTB (Rwanda)
4.APR VC (Rwanda)
Mu bagore
Ikipe ya Nkumba University yo muri Ugandayegukanye igikombe itsinze KCB yo muri Kenya amaseti 3-1 (23-25,25-15,25-22 na 25-19). Nkumba yageze ku mukino wa nyuma itsinze RRA VC amaseti 3-2 (19-25, 29-27,29-27,22-25 na 15-10) naho KCB isezerera APR VC iyitsinze amaseti 3-0 ( 25-23,25-18 na 25-12). naho umwanya wa 3 wegukanywe na RRA VC itsinze APR VC amaseti 3-1.
Uko amakipe yakurikiranye
1. Nkumba University (Uganda
2. KCB (Kenya)
3. RRA VC (Rwanda)
4. APR VC (Rwanda)
Ikipe ya mbere yahawe igikombe na miliyoni 1, iya 2 ihabwa ibihumbi 600 naho iya 3 ihabwa ibihumbi 400.
Amagare: Bonaventure Uwizeyimana akomeje kwigaragaza mu isura nshya
Nyuma yokwegukana agace gaheruka ka Rwanda Cycling Cup, akegukana Tour du Cameroun, Bonaventure Uwizeyimana niwe wegukanye isiganwa ryo kwibuka rizwi nka Race to Remember
Uko bakurikiranye
1. Bonaventure Uwizeyimana (Benediction Club) 3h 36′ 49”
2. Gasore Hategeka (Nyabihu Cycling Club) 3h 38′ 19”
3. Didier Munyaneza (Benediction Club) 3h 3h 42′ 39”
4. Hakizimana Seth (Les Amis Sportifs) 3h 43′ 45”
5. Byukusenge Patrick (Benediction Club) 3h 43′ 47”
Mu mukino wa Chess cyangwa Jeu d’Echecs, Abanyamahanga bihariye ibihembo
Ni irushanwa ryakinwe mu bice bibiri, harimo igice gikinwa n’abakinnyi mpuzamahanga (International Section), ndetse n’igice cyemrewe gukinwamo n’abakinnyi bose (Open Section)
1. International Section (Hakinamo abakinnyi mpuzamahanga :
Uwa mbere: Ssonko Mathias (Uganda), yahembwe 350,000 Rwfs
Uwa kabiri: Wanyama Harold (Uganda)
Uwa gatatu: Nsubuga Haruna (Ugda)
Umukinnyi mwiza ukiri muto: Ndagire Mary Kevin (Ugandada)
Umugore witwaye neza: Ndagire Mary Kevin (Uganda) na Nakirya Victoria (Uganda)
2. Open Section (Hakinamo n’abatari abakinnyi mpuzamahanga
Uwa mbere: Mugisha Ivan (Uganda)
Uwa kabiri (Banganyije ari bane) :
Were Samuel (Uganda)
Cyubahiro Ben Patrick (Rwanda)
Akabo Mike (Uganda)
Kizza Faruk (Uganda)
Umukinnyi ukiri muto witwaye neza: Cyubahiro Ben Patrick (Rwanda)
Umugore witwaye neza (2 banganyije): Mutete Happiness (Rwanda) na Uwase Joselyne (Rwanda)
Tennis
Muri uyu mukino. aya marushanwa yatangiye ku wa Gatanu hakinwa imikino y’abatarabigize umwuga, kuri uyu wa mbere akaba ari bwo ahatangiye imikino y’ababigize umwuga, irushanwa rikazasozwa ku wa Gatandatu tariki 16/06/2018.
Cricket
Irushanwa ryo kwibuka mu mukino wa Cricket, ryitabiriwe n’ibihugu bitatu ari byo Uganda, Kenya ndetse n’u Rwanda, riza kurangira igihugu cya Kenya ari cyo cyegukanye iri rushanwa, nyuma yo gutsinda Uganda ku mukino wa nyuma
Umupira w’amaguru
Kugeza ubu mu mupira w’amaguru kubera gahunda ndende yaranze ingengabihe y’imikino mu Rwanda irimo amarushanwa y’ikipe y’igihugu ndetse n’andi marushanwa y’imbere mu gihugu, kugeza ubu ntiharemezwa igihe irushanwa ryo kwibuka ryazabera.
Ibitekerezo
Ohereza igitekerezo
|