Abakinnyi 60 basiganwe ku magare mu rwego rwo kurwanya ruswa

Kuri icyi cyumeru tariki ya 4 Ukuboza 2011 abakinnyi b’amagare 60 basiganwe bazenguruka umugi wa Kigali mu rwego rwo kurwanya ruswa.

Iri siganwa ryareguwe ku bufatanye bw’ishyirahamwe ry’umukino w’amagere mu Rwanda FERWACY n’Urwego rw’Umuvunyi hagamijwe gukangurira abanyarwanda guhashya ruswa no gutangiza icyumweru cyo kuyirwanya kuva tariki ya 5 kugeza ku ya 12 Ukuboza.

Iri siganwa ryitabiriwe n’abakinnyi 60 baturutse mu makipe yose agize FERWACY ndetse n’abandi bose babyifuza bafite ibikoresho bijyanye n’isiganwa nk’igare ryabugenewe n’ingofero (casque)

Abasiganwa bazengurutse umujyi wa Kigali bahagurukiye i Remera kuri Stade Amahoro basoreza I Nyamirambo kuri Stade ya Kigali.

Gasore Hategeka niwe wegukanye iri siganwa akurikirwa n’Uwamungu Innocent, Habiyambere Nicodeme aba uwa gatatu. Uwa mbere yahembwe amafaranga ibihumbi 300, uwa kabiri ibihumbi 200 naho uwa gatatu ahembwa ibihumbi 100.

Dore inzira abasiganwa banyuzemo:

Guhagurukira kuri Stade Amahoro, Chez Lando, Gishushu, RDB, Nyarutarama, Gacuriro, Kagugu, Gisozi, Muhima, Rond Point ya Kigali, Gitega, Nyamirambo, Kimisagara, Nyabugogo, Route des poids lourds, Kanogo, Rwandex, Zion Temple, Kicukiro centre, Sonatube, Giporoso, la Palisse ; bazamuke berekeza Kimironko, Stade Amahoro,(Aha bahazengurutse ishuro eshatu) , Stade Amahoro Chez Lando, Gishushu, RDB, Nyarutarama, Gacuriro, Kagugu, Gisozi , Muhima , Rond point Kigali, Gitega,Nyamirambo basoreza kuri Stade regional.

Theoneste Nisingizwe

Dukurikire ukanda kuri Like

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka