Patriots yatsinze REG yegukana Pre-Season Tournament 2016

Mu marushanwa yari agamije gitegura Shampiona ya 2016-2017, ikipe ya Patriots yegukanye igikombe itsinze ikipe ya REG amanota 76-75

Kuri uyu wa Gatanu muro Petit Stade Amahoro haraye habereye imikino ya nyuma y’amarushanwa yari yateguwe n’ishyirahamwe ry’umukino wa Basketball mu Rwanda "Ferwaba", amarushanwa yari agamije gufasha amakipe kwitegura neza Shampiona ya 2016-2017.

JPEG - 132.6 kb
Ikipe ya Patriots yegukanye igikombe cya Pre-Season

Umukino wabanje wari umukino wo guhatanira umwanya wa wa gatatu, umukino waje kurangira Espoir BBC yihereranye APR BBC iyitsinda amanota 71-58.

Uko uduce tw’uyu mukino twagenze:

Agace ka 1: ESPOIR 19-18 APR
Agace ka 2: ESPOIR 19-11 APR
Agace ka 3:ESPOIR 16-18 APR
Agace ka 4:ESPOIR 17-11 APR

JPEG - 116.1 kb
Umwanya wa gatatu nawo waje kwegukanwa na ESPOIR itsinze APR

Uyu mukino waje gukurikirwa n’umukino wa nyuma wari utegerejwe na benshi, umukino wahuje Patriots BBC yigaragaje cyane mu mwaka w’imikino ushize, aho yagombaga guhatana n’ikipe ya REG ije ar nshyashya muri iyi Shampiona, aho ndetse yaniyubatse ku buryo bugaragara.

JPEG - 128.9 kb
Ikipe ya REG itahiriwe n’iminota ya nyuma, ni imwe mu makipe mashya muri Shampiona

Uyu mukino waje gutangira ikipe ya Patriots ari yo iri imbere muri uyu mukino, maze agace ka mbere karangira Patriots itsinze ku manota 24-10, agace ka kabiri ikipe ya Patriots yongeye kukarangiza iri imbere ku manota 40 kuri 27, gusa agace ka gagatu ikipe ya REG yaje kwisubiraho ikarangiza ifite amanota 58 kuri 53 ya Patriots, gusa umukino uza kurangira Patriots itsinze REG 76-75.

JPEG - 165 kb
Kuri uyu wa Gatanu kandi hari hanasojwe amahugurwa y’abatoza yiswe "Young Coach Clinic Module 1" ku mukino wa Basketball

Biteganyijwe ko Shampiona ya Basketball mu mwaka w’imikino wa 2016-2017 yari iteganyijwe gutangira mu mpera z’iki cyumweru, izatangira Taliki ya 04 Ukuboza 2016.

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka