Amavubi yahamagaye abakinnyi bazakina na Benin na Lesotho

Yanditswe na

Jean Jules Uwimana

10-05-2024 - 21:25' | Ibitekerezo ( 1 )

Kuri uyu wa Gatanu, umutoza w’Amavubi Frank Spittler yatangaje urutonde rw’agateganyo rw’abakinnyi 37 bitegura imikino yo gushaka itike y’igikombe cy’Isi 2026 muri Kamena 2026.

Ni urutonde rurimo abakinnyi b’imbere mu gihugu barimo barindwi ba APR FC, batatu ba Rayon Sports, babiri ba Police FC ndetse na Bugesera FC ifitemo abakinnyi babiri barimo umunyezamu Niyongira Patience na Dushimimana Olivier "Muzungu" bamaze iminsi bitwara neza n’abandi batandukanye.

Abakinnnyi bakina hanze barangajwe imbere n’umunyezamu Ntwali Fiacre, Djihadi Bizimana, Hakim Sahabo na Rwatubyaye Abdoul n’abandi batandukanye.

Mu bakinnnyi bahamagawe ntihagaragayemo rutahizamu wa Bugesera FC Ani Elijah byari bimaze iminsi bivugwa ko ashobora guhamagarwa nkuko yari babyemereye Kigali Today