Gakenke: Uruhinja rwari rwibwe n’umuforomokazi rwasubijwe ababyeyi barwo

Umuforomokazi witwa Bucyensenge Beatha w’imyaka 28 wakoraga ku Bitaro bya Ruli muri Gakenke ari mu maboko ya Polisi akurikiranyweho kwiba uruhinja rw’umubyeyi wabyariye muri ibyo bitaro akabeshya ko rwapfuye.

Photo archive.
Photo archive.

Nyuma y’uko ababyeyi b’uwo mwana n’abari babaherekeje bapfunduriye bashaka umutwe mbere yo kumushyingura ngo bamenye aho werekera, basanze bari babapfunyikiye igipupe n’amabuye bababeshya ko ari umurambo w’umwana.

Aba babyeyi bahise bitabaza inzego z’umutekano ngo zibafashe gukurikirana icyo kibazo none, mu kanya gato gashize bamaze gusubizwa umwana wabo w’umuhungu, naho Bucyensenge wamwibye n’ababimufashijemo ari bo Bugingo Amos wari waraye izamu na Dr Sangwa Victor wemeje urwo rupfu batabwa muri yombi.

Twongeye kugerageza kuvugana na Dr Kaneza Deogratias, Umuyobozi w’umusigire w’Ibitaro bya Ruli, aduhamiriza ko koko umwana yabonetse kandi bamaze kumusubiza ababyeyi be, ariko ntiyashobora kutuvugisha byimbitse kuko akiri kuri Polisi.

JPEG - 146 kb
Ababyeyi bari bapfunyikiwe igipupe n’amabuye babeshya ko umwana wabo yapfuye.

Cyakora, abo mu muryango b’uyu muryango w’uyu mwana na bo baduhamirije ko yasubijwe nyina, unakiri mu bitaro kuko yabyaye abazwe.

Umuvugizi wa Polisi mu Ntara y’Amajyaruguru, IP Innocent Gasasira, na we watwenereye ko umwana yasubijwe ababyeyi be, yatubwiye ko Bucyensenge akurikiranyweho icyaha cyo kwambura ababyeyi umwana wabo ku maherere gihanwa n’ingingo ya 224 yo mu gitabo cy’amategeko ahana y’u Rwanda.

Iyo ngingo iteganyiriza igifungo kuva ku mwaka umwe kugeza ku myaka itatu n’ihazabu y’amafaranga y’u Rwanda kuva ku bihumbi 50 kugeza ku bihumbi 500.

Nubwo Polisi igikora iperereza ngo imenye icyateye uwo muforomokazi kwiba uruhinja rw’abandi, amakuru atugeraho aravuga ko Bucyensenge Beatha wari wibye uwo mwana agahita amutwara iwe mu rugo amaze imyaka ibiri ashatse ariko akaba atari yakabyaye.

Ibitekerezo   ( 33 )

dutuye i JANGO gusa bazace inkoni izamba bamugabanyirize ibihano kuko nawe siwe

Nduhuyabagabo j yanditse ku itariki ya: 29-08-2016

Murakoze gukurikirana amakurunkayomukayatubwira icyomvuga 1.uwomuforomokanzi yakoze cyibinukwibba umwana kdi nyirawenaweyamubonye arushe bamubaze naweyumvaga arugupfakabiri kuko uwobamubagiyentamubonye ubwose imana yarikwemera uwomubyeyi yicwanahinda nibyobisebe gusanamubwiraga imyaka ibirintabwo arimyishyi yokumvako atazabyara nasara yarabyaye gusa icyonasaba mugabanye ibihono kukosubugome ahubwonukwifuzakubankabandibabyeyi nukobitamuhiriye

sibomana john yanditse ku itariki ya: 25-08-2016

ni akaga bavandimwe!

Pascal yanditse ku itariki ya: 25-08-2016

ni akaga bavandimwe!

Pascal yanditse ku itariki ya: 25-08-2016

Ruli dusizwe ibara ahereye ku baganga!

Pascal yanditse ku itariki ya: 25-08-2016

Ubugome nkubu ntibwari bukwiye uzikumarana inda amezi icyenda yose nyuma ukanibwa uwo wibarutse Tirana bake

Ndagijimana Gedeon yanditse ku itariki ya: 25-08-2016

yoo!! ibyo muri iyiminsi biteye
ubwoba nagahinda gusa mu mugabanyirize ibihano kuko nawe yamushakaga mbega kwiheba bitagira umupaka?

hakizimana jmv yanditse ku itariki ya: 25-08-2016

Ayo mahano nukuri ateye isoni, Ababigizemo uruhare bose bakurikiranwe, nukuri ibi biteye agahinda pe; Abaganga nibo bagafashe iyambere mugukumira ibibi nkibi no kwita kubuzima bwabantu, none bamwe batangiye gutenguha ababagana, ubuse ikizere kiravahe?????? bagiye gutuma umubyeyi ugiye kwibaruka azajy abafite impungenge zikomeye zuko ashobora kuhaburira ikibondo cye.Ateye uyu mu Bebe kuzakurira ku mateka mabi, plz uyu mutima ni uwa cyinyanswa. Inkiko zikore igikwiye. Bhanwe byintangaruger n’undi wese wabitekerezaga bimushiremo.

RUBAYITA Olivia yanditse ku itariki ya: 25-08-2016

Ahaa! birababaje kandi biteye agahinda ubwo se uwo muforomokazi iyoyiha kwambura ubuzima umwana wabandi yabonagako biribumuhire nakurikiranwe na police kuko ibyoyakoze ni amahano.

mujyarugamba desire yanditse ku itariki ya: 25-08-2016

Niba uruko bimeze ko kwa muganga tutazongera kuhizera. bisobanureko ushobora nokujyanayo umuntu wawe arwaye aho kumukiza bakamuhuhura. Niba umuziba bamwiba bakamwita umupfu se umurwayi batamushaka murumva byagenda bite?

Dieudonne yanditse ku itariki ya: 25-08-2016

Ahubwo Polisi Ibe Maso Kuko Wasanga Hari Nabandi Bakora Ibisa Nibyo.Uwababarira We Yababarira Uwise Umwana Igipupe Namabuye Akarenzaho Ko Ari Umupfu?Ahaa!Niminsi Yanyuma Koko Urukundo Rwarakonje.Please Nabambwe Nabambwe Nawe Ni Rushimusi Mubandi.

Tuyishimire J Baptiste yanditse ku itariki ya: 25-08-2016

Birababaje kdi biteye agahinda.yooo,mbega amahano.

alias yanditse ku itariki ya: 24-08-2016
1 | 2 | 3

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka