Iby’i Burundi bikomeje kuba urujijo - Minisitiri Mushikiwabo

Minisitiri w’Ububanyi n’Amahanga, Louise Mushikiwabo, yavuze ko u Burundi buteye urujijo, aho ubwicanyi bukomeje kandi abahagarariye iki gihugu barasohotse mu nama y’Ubumwe bwa Afurika itarangiye.

JPEG - 119 kb
Minisitiri Mushikiwabo avuga ko iby’i Burundi bikomeje guteza urujijo.

Minisitiri Mushikiwabo yabitangaje mu kiganiro n’abanyamakuru ku gicamunsi cyo kuri uyu wa Kabiri tariki 19 Nyakanga 2016, cyari kigamije gusobanura ibyavuye mu nama y’abakuru b’ibihugu bya Afurika, yarangiye ku ya 18 Nyakanga.

Yagize ati "Biratangaje kubona ab’i Burundi barasohotse muri iyi nama, ubwicanyi twumva ko bukomeje aho uwari umudepite wabwo mu Muryango wa Afurika y’Iburasirazuba, Afsa Mossi aheruka kwicwa. Ibibera i Burundi bikomeje kuba urujijo ariko Umuryango w’Ubumwe bwa Afurika witaye kuri iki kibazo."

Ubwo yasubizaga ikibazo cy’icyo akeka cyatumye u Burundi bwikura mu nama ya Afurika yaberaga i Kigali, Minisitiri Mushikiwabo yagize ati "Kuba Abarundi bataritabiriye inama ya Afurika Yunze Ubumwe ni igihombo kuri bo kurusha umuryango wa Afurika wose, nta kindi nabivugaho, u Burundi bufite ababuvugira."

JPEG - 139.9 kb
Abanyamakuru bitabiriye iki kiganiro gikurikira imirimo y’Inama ya 27 y’Umuryango w’ubumwe bwa Afurika.

Iyi nama yitabiriwe n’abakuru b’ibihugu na za guverinoma bagera kuri 35, ndetse n’abagize Inama y’Abaminisitiri igize Umuryango w’Ubumwe bwa Afurika bagera kuri 52.

Sudani y’Epfo n’u Burundi ni byo bihugu bitagize ababihagararira muri iyi nama.

Ibitekerezo   ( 4 )

Jewe ndi Umurundi mba mu BURUNDI nkaba ntembera mugihugu cose.Nagomba mbabwire ko ata ngorane nimwe iri mu BURUNDI. Amahoro n’Umutekano biraganje.Kiretse aba baza baraca mu ryahumye abajejwe umutekano bakica abantu ivyo navyo vyamyeho ntavyera ngo de!!!

GAPINA PROTAIS yanditse ku itariki ya: 20-07-2016

arikoburiya konziko muturebera ahotutabasha kujyera. murabona iherezo ryabarundi aririhe? gusa nahanyagasani izontambara bazazigumane. arikose prezida harimpamvu yatanze yatumye atitabira inama? ababindusha mwansobanurira. nahubundi nugusenga cyane.

ahishakiye yanditse ku itariki ya: 20-07-2016

Erega Peter afise isoni zokwicarana nabakuru bibihugu kuko ubu ni gatinya shengero ntafise nico yovuga atari kuja gutera agapira kuko niko ashoboye

mbera Janet yanditse ku itariki ya: 19-07-2016

Erega Peter afise isoni zokwicarana nabakuru bibihugu kuko ubu ni gatinya shengero ntafise nico yovuga atari kuja gutera agapira kuko niko ashoboye

mbera Janet yanditse ku itariki ya: 19-07-2016

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka