Se w’umwana wateruwe na Perezida Kagame i Nyamirambo yafunguwe (Photos&Video)

Umwana witwa Igisubizo Swaliha wagize amahirwe yo guterurwa na Perezida Paul Kagame i Nyamirambo, ari mu byishimo nyuma y’uko se umubyara afunguwe nk’uko yabyifuzaga.

JPEG - 231.3 kb
Umuryango wa Yassin waje kumwakira nyuma yo gufungurwa muri Gereza ya Mageragere

Uyu mwana w’umukobwa w’imyaka ine, utuye mu murenge wa Nyarugenge, mu Karere ka Nyarugenge mu mu mujyi wa Kigali yaramamaye nyuma y’uko ifoto ye ateruwe na Perezida Kagame isakaye ku mbuga nkoranyambaga.

Abantu bayibonye bashatse kumenya byimbitse ibijyanye n’uwo mwana maze itangazamakuru rijya kumusura aho atuye mu Kagari ka Gatare mu Murenge wa Nyarugenge.

Itangazamakuru ryagiranye ikiganiro kirambuye n’umubyeyi w’uwo mwana maze babaza uwo mwana icyo yumva yifuza gusaba Perezida Kagame.

Uwo mwana yagize ati “Numva namusaba gufungura papa.”

JPEG - 125.2 kb
Yassin ubwo yari amaze gufungurwa muri Gereza ya Mageragere nyuma yo kugirirwa imbabazi na Perezida Kagame

JPEG - 337.1 kb
Bamusanganiye baramuhobera

Umubyeyi w’uwo mwana yahise avuga ko ise w’uwo mwana afunze kuva mu Kuboza 2016, azira ibiyobyabwenge.

Ibyifuzo by’uwo mwana byasubijwe kuko ise umubyara witwa Ndayisenga Yassin yafunguwe kubera imbabazi yagiriwe na Perezida Kagame.

Yafunguwe ku cyumweru tariki ya 17 Nzeli 2017, nyuma yo gufungwa amezi umunani gusa y’igihano cy’imyaka ibiri yari yarakatiwe.

JPEG - 69.4 kb
Uwo mwana yateruwe na Perezida Kagame ubwo yiyamamarizaga i Nyamirambo

Nyuma yo gufungurwa, Yassin yavuze ko yishimye cyane. Agashimira Perezida Kagame wumva ibyifuzo by’Abanyarwanda bose.

Agira ati “Ndumva nishimye cyane! Ndamushimira Perezida wa Repubulika cyane kuko ni umubyeyi wumva Abanyarwanda bose. Kuba n’umwana wanjye yaramubwiye ikibazo akacyumva, nanjye nkaba naramusabye imbabazi akabyumva binyereka ko ari umubyeyi.

Ibiyobyabwenge nzabirwanya mfatanya n’inzego zibirwanya kuko no muri gereza nabirwanyaga.

Nabwira abantu bakoresha ibiyobyabwenge ko babireka kuko si byiza bituma umuntu asubira inyuma. Nk’ubu nari narataye umuryango wanjye. Ibiyobyabwenge nta nzira nziza bikujyanamo.”

Umuhoza Asouma, umugore wa Yassin avuga ko ashimira Perezida Kagame uhaye imbabazi umugabo we none akaba afunguwe.

Agira ati “Igihe cyose uyu musaza tuzamuhora inyuma kandi tuzahora tumwishimiye kubera ibyo adukorera! Nk’ibyo ankoreye jyewe jyenyine byandenze. Imana izamfashe nongere mpure nawe nongere mushimire kuko ibyo ankoreye birandenze.”

JPEG - 227.8 kb
Yassin amaze gufungurwa yakiranwe ibyishimo n’umuryango we

Mu magambo ya Igisubizo nyuma yo gufungurwa kwa se yagize ati "(Ubwo nahuraga na Perezida naramubwiye ngo) uzafungure papa igihe cyose nzaguhoraho! None arabikoze ndamushimira! Igihe cyose nzahora mushimira.”

Ku itariki ya 20 Nyakanga 2017 nibwo Igisubizo yateruwe na Perezida Kagame ubwo yari ari i Nyamirambo mu mujyi wa Kigali, mu bikorwa byo kwiyamamariza kongera kuyobora u Rwanda.

Perezida Kagame yaramuteruye ari mu modoka igihe yavaga kwiyamamaza maze baramufotora, ifoto ye ihita isakara ku mbuga nkoranyambaga.

Umubyeyi w’uyu mwana avuga ko umwana we akunda Perezida Kagame kuburyo ngo no kugira ngo babonane yabigizemo uruhare.

JPEG - 96.6 kb
Igisubizo Swaliha na musaza we bagiye kwakira ise wafunguwe kubera imbabazi yagiriwe na Perezida Kagame

JPEG - 118.6 kb
Yassin ubwo yari ageze ku muryango wa Gereza ya Mageragere afunguwe
JPEG - 71.1 kb
Igisubizo Swaliha (iburyo), umubyeyi we na musaza wa Igisubizo ubwo bari bari kuri Gereza ya Mageragere bagiye kwakira Ndayisenga Yassin wafunguwe kubera imbabazi yagiriwe na Perezida Kagame

Bageze mu rugo byari ibyishimo

JPEG - 113.6 kb
Yassin ageze mu rugo bamuhinduriye imyenda bamwakiriza ipirawu

Andi mafoto

JPEG - 185.5 kb
Yassin azamuka ajya iwe nyuma yo gufungurwa

JPEG - 315.2 kb
Igisubizo Swaliha yari afite ibyishimo nyuma yo gufungurwa kwa se

Ibitekerezo   ( 18 )

Verry good kagame

Frere yanditse ku itariki ya: 19-09-2017  →  Musubize

HE Imana yaguhaye inkoni kuko uri umunyambabazi. HE nk’uko wumvise uriya mwana, hari abantu bafunze bashobora kuba baragororotse bategereje ijambo ryanyu ngo baze dufatanye duteze igihugu imbere. Imana ikomeze igukoreshe mubye wacu.

Jean yanditse ku itariki ya: 18-09-2017  →  Musubize

Mbega byiza👏👏👏 this kid is so brave and thanks a lot HE, nukuri God will always reward you with such brave Rwandans.

Alex yanditse ku itariki ya: 18-09-2017  →  Musubize

Imbazi z Imana zihoraho iteka His excellent wacu yakoze neza Reka natwe tumwigireho kugira imbabazi kuri muru byose kandi kuri Bose maze tugire cyerekezo kimwe.

Eddy jeado yanditse ku itariki ya: 18-09-2017  →  Musubize

Mura bakunzi ba kigal to day umo mwana ko numva afite ubwe njye buvanze nuburere nukuri umubyeyi wacu yakoze kuba yumvise ikibazo cyumwan murakoze.

kamugisha yanditse ku itariki ya: 18-09-2017  →  Musubize

mbega byiza
rwose perezida wacu aragahoraho
nanjye Imana imfashe nzahure na Muzehe wacu rwose.

Shakira yanditse ku itariki ya: 17-09-2017  →  Musubize

alhamdulilah HE Paul Kagame ni umubyeyi rwose Yumva ibyifuzo by’abanyarwanda bose uwo mugabo nawe azamwiture atongera gukoresha ibiyobyabwenge

alias kaka yanditse ku itariki ya: 17-09-2017  →  Musubize

wowww mbega kubyaraneze

solange yanditse ku itariki ya: 17-09-2017  →  Musubize

Imana ishimwe kabisa. Nanjye mfite inshuti yanjye ifungiye Mageragere ariko kubona umuntu asohotse hariya hantu atambaye iroze, ni Imana iba yigaragaje kabisa. Ubu Nanjye ndi ku mavi ngo afungurwe.

Natacha yanditse ku itariki ya: 17-09-2017  →  Musubize

Muzehe wacu ibyo akorera abanyarwanda birandenga rimwe narimwe amarira agashoka.turamwera kdi forever

Nyandwi Innocent yanditse ku itariki ya: 17-09-2017  →  Musubize

URIYAMWANANINWARIKABISA,TWO.

THOMAS yanditse ku itariki ya: 17-09-2017  →  Musubize

nibyiza Perezida wacu yumva Ijwi ry’abana! icyo nsaba Ndayisenga! nukureka burundu ibiyobya bwenge!

muvunyi yanditse ku itariki ya: 17-09-2017  →  Musubize
1 | 2

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka