Gukata cyangwa gufatira umushahara w’umukozi ni amakosa

Minisiteri y’abakozi ba Leta n’umurimo (MIFOTRA) ivuga ko bitemewe gufatira cyangwa gukata umushahara w’umukozi mu gihe yakoze amakosa mu kazi.

JPEG - 100.6 kb
Nkundabakura Karima umugenzuzi mukuru w’umurimo muri MIFOTRA avuga ko umushahara w’umuntu ari ndakorwaho

Nkundabakura Karima Java, umugenzuzi mukuru w’umurimo muri MIFOTRA avuga ko umushahara w’umukozi ari ari ndakorwaho.

Akomeza avuga ko abakoresha bafatira umushahara wose cyangwa igice cyawo ku bakozi bakoze amakosa cyangwa bagize ibikoresho bangiza mu kazi. Ibyo ngo bikunze kugaragara mu bakoresha bigenga.

Agira ati "Cyane nko mu mahoteli n’utubari ibi bibazo bikunze kumvikanamo, ngo umukozi niba amennye ikirahure, shebuja we agakata agaciro kacyo ku mushahara kandi nyamara ntibyemewe na gato kuko umushahara w’umuntu ni ndakorwaho.

Niba koko umukozi akoze ikosa cyangwa akaba yangije ibikoresho nkana, we n’umukoresha bagomba kubiganiraho bakurikije n’amasezerano bagiranye.

Niyo habayemo kuriha ibyangiritse, uwabyangije niwe wemera kuzafata amafaranga ye akariha, hatabayeho kuyafatira.ʺ

Umukozi wo muri Hoteli imwe yo mu mujyi wa Karongi, utifuje ko amazina ye atangazwa avuga ko gukatwa umushahara yari aziko ari nk’ihame.

Agira ati ʺIbyo twe tuzi ko ari nk’ihame, umennye ikirahure cyangwa icupa agomba guhembwa havuyeho ay’ibyangiritse kandi si hano iwacu gusa n’ahandi abaseriveri bakunze gukatwa umushahara.ʺ

Mugenzi we agira ati ʺNubwo umuntu yamenya ko itegeko ritemerera umukoresha gukata umushahara w’umukozi we ku ngufu, biragoye kubyigobotora kuko usanga nutera hejuru, azakwirukana kandi ako kazi ugakeneye, ugatuza.ʺ

JPEG - 88.9 kb
Abakoresha mu nzego zitandukanye n’abahagarariye abakozi bo mu Karere ka Karongi bavuga ko bikwiye ko umukoresha agirana amasezerano n’umukozi

Kudasobanukirwa amategeko agenga umurimo haba ku ruhande rw’abakoresha n’abakozi ngo niyo nyirabayazana w’iki kibazo; nk’uko Yambabariye Theophile ufite akabari abisobanura.

Agira ati ʺTubyumva henshi, ariko biterwa no kutamenya amategeko, abakozi ntibamenye uburengenzira bwabo ngo babanze kumvikane na ba shebuja ku masezerano azabagenga.

Ariko n’abakoresha bakamenye ko gukoresha utagira masezerano bitemewe.ʺ

Ibitekerezo   ( 9 )

birakomeye kubakora mubigo byigenga gukurikiza itegeko rigenga umurimo

alias yanditse ku itariki ya: 23-11-2016

IBYO MUBIVUGA NKABARI MUMIGI MUZAGERE MUCYARO ABANTU BARASHIZE

MUSABYIMANA PASCAL yanditse ku itariki ya: 23-11-2016

Ariko ibi muba mwanditse,muba mugirango tubivugeho iki? ubu c MWe ubwanyu ni ukuvugako mutaziko abakozi yewe baba leta bajya bakurwaho FRS? akarere, karabikubwira ko ugomba gutanga FRS runaka, kndi ntakindi wakongeraho. mbibutse ingero c? reka mbireke name murabizi.
ubu aho ndi ho bategetse FRS buri mukozi agomba gukatwa kumushahara, kndi akayasinyira. ntawakuganirije ntaki, ngo ni ayo kwishyura Mutuelle ngo Akarere kagere kumuhigo. Mana we............

Alias yanditse ku itariki ya: 23-11-2016

Muze Munganda Zimigati Tubagezeho Ukoturengana

Nzeyimana yanditse ku itariki ya: 23-11-2016

Munganda Zikora Imigati Twaragowe Dukatwa Burimunsi Byabaye Nkihame

Nzeyimana yanditse ku itariki ya: 23-11-2016

NKUNDABAKURA ARAVUGA UKURI NKO MUNGANDA CYANGWA MUNGO USANGA ABAKOZI BARAGOWE PEEEE?

MUKAGASANA yanditse ku itariki ya: 22-11-2016

Si mubigo byigenga gusa kuko n’abakorera leta hari aho bakatwa amafaranga adasobanutse. Urugero muri Nyabihu umwarimu ukatwa make buri kwezi ni 1600f kandi ntibizabatangaze mugihe kiri imbere bakaswe 20% kumushahara ngo yo kubaka icyumba kimwe mumudugudu w’icyitegerezo!

alias yanditse ku itariki ya: 22-11-2016

BIGERA KU BAKOZI BO MU RUGO HO BIKARENGA. NI GUTE WAKOZA IBIRAHURI N’AMATASI BYA BURI KANYA ARI NAKO BAGUHAMAGARA BAGUTUMAGIZA, MAZE WACIKWA UKAMENA KIMWE BAKABA BARAGUKASE!

NSENGA yanditse ku itariki ya: 22-11-2016

ngahose bazatugerere no muma campany y’abashinwa tubabwire akarengane kadushenguye imitima.

valens yanditse ku itariki ya: 22-11-2016

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka