Mu ijambo rye, umuyobozi wungirije muri iki kigo, Karl E. Wycoff, yatangaje ko nta gisubizo kimwe umuntu yabona cyakemura ibibazo cy’urubyiruko. Avuga ko igisubizo cyaturuka mu bantu bo mu bihugu bitandukanye igihe baba bakoreye hamwe.

Abitabiriye iyi nama bagomba kurebera hamwe ibibazo kuri politiki, ubukungu n’imibereho ndetse n’ibindi bijyanye n’umuco bituma abahezanguni bashobora kwigarurira abanyamuryango bashya.

Amakuru azatangwa n’urubyiruko muri iyi nama azifashishwa mu kubaka ibitekerezo byafasha mu bushobozi buke bwo ku mugabane w’Afurika mu kuhangana n’iki kibazo. Urubyiruko rwitabiriye iyi nama rwaturutse hirya no hino muri Afurika, mu Burayi, Amerika no muri sosiyete civile.

Africa Center for Strategic Studies ni umuryango ukora ubushakashatsi muri Afurika no hanze yayo mu rwego rwo gushaka ibisubizo byaramba mu mibanire y’ibihugu.

Emmanuel N. Hitimana