U Rwanda rwahawe kuyobora Akanama k’Amahoro n’Umutekano ka AU

Muri uku kwezi kwa Gashyantare 2017, u Rwanda ni rwo rurimo kuyobora Akanama k’Amahoro n’Umutekano k’Afurika yunze Ubumwe (AUPSC).

Tumukunde Hope hagarariye u Rwanda muri Ethiopia
Tumukunde Hope hagarariye u Rwanda muri Ethiopia

Nk’uko bigaragara mu itangazo ryavuye muri Ambasade y’u Rwanda muri Etiyopiya, igihugu kirimo icyicaro cya Afurika yunze Ubumwe (AU), izi nshinganano ziha u Rwanda uburenganzira bwo gufata ibyemezo byose birebana n’amahoro n’umutekano muri iki gihe ruyoboye ako kanama.

Icyo u Rwanda rushyize imbere muri uku kwezi, ngo akaba ari ugutumizaho inama iziga ku ruhare rw’abagore mu kurinda no gusigasira ubuzima mu bihe by’intambara muri Afurika.

Iryo tangazo kandi rivuga ko hazakomeza ubukangurambaga bwo kurwanya ihobotera rishingiye ku gitsina n’ibikorwa bifatika byongera umubare w’abagore mu bikorwa byo kubungabunga amahoro.

Minisitiri w’Ububanyi n’Amahanga, Louise Mushikiwabo, muri iki gihe u Rwanda ruyoboye ako kanama akaba azayobora inama ebyiri z’abaminisitiri bo muri AU ku nsanganyamatsiko ebyiri.

Izo nsanganyamatsiko zirimo ivuga ku bushobozi bw’ ingabo z’akarere zibungabunga amahoro zoherezwa mu butumwa, ubudakumirwa bw’urujya n’uruza rw’abantu n’ibicuruzwa n’icyo ruvuze ku mahoro n’umutekano mu gihe indi izaba ivuga ku kurinda abana mu ntambara.

Itegeko rigenga AU mu ngingo yaryo ya 5 riha ubushobozi Akanama k’Amahoro n’Umutekano bwo ngufata ibyemezo ku bibazo birebana no kurinda, kuyobora no gufata imyanzuro ku bijyanye n’amakimbirane.

Nk’uko ibihugu bisanzwe bisimburana kuri uyu mwanya, u Rwanda ruhagarariwe na Ambasaderi Hope Tumukunde mu nama ibihugu bya AU bikubutsemo, rwasimbuye Sierra Leone kuri uwo mwanya.

Muri Mutarama 2016, u Rwanda rwatoranwe n’ibihugu bindi nka Algeria, Botswana, Burundi, Chad, Congo, Egypt, Kenya, Niger, Nigeria, Sierra Leone, South Africa, Togo, Uganda na Zambia ngo biyobore Akanama k’Amahoro n’Umutekano ka AU mu gihe cya manda y’imyaka ibiri.

Ubuyobozi bukuru bw’ako Kanama bukaba bugenda busimburanwaho n’ibi bihugu uko ari 15, ikigiyeho kikayobora igihe cy’ukwezi kumwe.

kigalitoday android app mobile

Ibitekerezo   ( 1 )

Mukirundi bavuga ngo kuvuga abahizi n’ukwibanza. Mukarere umutekano wifashe nabi. caane gose na cane cane mû Burundi.uku kwezi nca mbona KO kuzohera atagikozwe ku’ico gare hugu kuko cama gita inkubire ku Rwanda ngo norwo rubahungabanya.Bigaca biboneka ko ingingo yose ico gihugu cozana k’uburu ndi na cane cane kuvyerekeye umutekano igoheza ngo yemerwe n’Uburundi.Ibihugu bindi bizoheza bivyitwaremwo gîte? Hariho amategeko abiteganya? ingufu zo kuyubahiriza n’izahe?

Gilbert aritrsa yanditse ku itariki ya: 2-03-2017  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka