U Bufaransa: Gukukirirana Abajenosideri byahesheje Alain Gauthier undi mudali

Ubuyobozi bw’Umujyi wa Reims mu Bufaransa wahaye umudari w’ishimwe Umufaransa Alain Gauthier, kubera ibikorwa byo gukurikirana abakurikiranyweho ibyaha bya Jenoside yakorewe Abatutsi mu 1994 bihishe mu Bufaransa.

JPEG - 120.1 kb
Alain Gauthier wahawe umudali wo kwimakaza ubutabera

Gauthier afatanyije n’umugore we Dafroza bashinze umuryango bise ‘Collective of Civil Plaintiffs for Rwanda (CCPR)’, ugamije gukora ubushakashatsi ku madosiye y’Abanyarwanda bakekwaho Jenoside yakorewe abatutsi mu 1994 bacyidegembya mu Bufaransa batarigeze bakurikiranwa n’urukiko.

Umwaka ushize nabo Gauthier n’umugore we Dafroza bashimwe na Guverinoma y’u Rwanda, bambikwa impeta z’ishimwe ry’ubucuti ziswe “Igihango”.

Perezida Kagame yambika Alain Gauthier umudali
Perezida Kagame yambika Alain Gauthier umudali

Gauthier n’Umugore we bamaze imyaka irenga 15 bazengurutse mu nkiko, mu magereza no mu barokotse Jenoside bakora ubushakashatsi bwimbitse mu Rwanda.

Abo bombi kandi bagira uruhare mu kunyomoza amakuru avuga nabi u Rwanda ahanini akwirakwizwa n’abahakana bakanapfobya Jenoside yakorewe Abatutsi mu 1994.

Dukurikire ukanda kuri Like

Ibitekerezo   ( 1 )

kera na kera ukuri kuzajya ahagaragara abafaransa bemere uruhare bagize muri jenocide yakorewe abatutsi babisabire imbabazi

Bimawuwa yanditse ku itariki ya: 4-02-2018  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka