KT TV
Serivisi zatangirwaga mu mirenge zigiye kumanurwa mu tugari
Guhera mu kwezi k’Ukuboza uyu mwaka, serivisi nyinshi zatangirwaga mu mirenge ziratangira kumanurwa mu tugari, kugira ngo bigabanyirize abaturage gusiragira mu buyobozi.
Kwaka serivisi ku baturage ni bimwe mu bibabangamira kuko, usanga abenshi basabwa gukora ingendo haba ku turere cyangwa ku mirenge. Benshi bavuga ko bibasaba gukoresha amafaranga menshi abatayafite bakabihomberamo cyangwa bagahitamo kubireka.
Bamwe mu baturage bavuga ko hari ibyangombwa bibasaba kujya mu nzego zo hejuru ariko ugasanga abadafite ubushobozi babirenganiramo kuko bibasaba amatike n’iminsi myinshi yo gushaka ibyangombwa.
Gahigi Abdulkarimu, umwe mu baturage bo mu Karere ka Kayonza, avuga ko guverinoma yari ikwiye kumanura zimwe muri serivisi zihabwa abaturage kugira ngo, bice akarengane, kudakemurirwa ibibazo ku gihe, gusiragira no gutakaza amatike.
Agira ati “Twajya dukemurirwa ibibazo vuba, hari n’ubura amafaranga y’itike n’umwanya wo kujyana ikizazo cye ku murenge cyangwa ku karere, ariko banuye izo serivisi ku tugari,amatike abaturage twakoreshaga twazajya tuyakoresha ibiduteza imbere.”
Icyo kibazo Guverinoma ivuga ko ikizi, kuko cyanagarutsweho mu nama yahuje Minisiteri y’ubutegetsi bw’Igihugu (MINALOC), Intara y’Uburasirazuba, Ikigo cya leta gishinzwe gutera inkunga imishinga y’uturere n’Umujyi wa Kigali (LODA) n’inzego z’umutekano, tariki 21 Nzeli 2017.
MINALOC ivuga ko icyo kibazo kigiye gukemuka kuko guhera mu kwezi k’Ugushyingo 2017, hafi ya serivisi zose zatangirwaga mu mirenge zizamanurwa mu tugari. Aya mavugurura akazakomeza kugeza n’aho izatangirwaga mu turere zishyirwa mu mirenge.
Yves Bernard Ningabire Umuyobozi mukuru ushinzwe igenamigambi muri MINALOC, avuga ko guha ubushobozi urwego rw’utugari, ibikoresho, amafaranga, abakozi babibona nk’igisubizo, kuko ari zo nzego zegereye abaturage.
Ati “Turifuza kandi kongerera abakozi n’ibikoresho utugari tukaba ihuriro ry’imitangire ya serivisi.”
Iyo nama yigaga ku bizagenderwaho mu igenamigambi ry’imyaka irindwi iri imbere 2018/2024, hibandwa cyane ku kwegereza ubuyobozi n’ubushobozi abaturage no kuvana abaturage mu bukene.
Ibitekerezo ( 37 )
Ohereza igitekerezo
|
|
Good ibi ni byiza kdi turabishimye ariko c izo service nizose cg nizimwe murizo? ikindi nibaza bizajyendana ningingo y’imali cyane ko mumirenge nutugali batagira ingingo y’imali,kugirango izo service zitangwe neza bazabanze bagenera budget utugali n’imirenge
Ibi ni byiza bizorohereza umuturage cyane.
Ibi ni byiza bizorohereza umuturage cyane.
Abakozi barakenewe kuko inzigo zose ni ukweggeranya ibyavuye kukagari. Ubushobozi w’akagari nibwongerwe kbsa. Dushimye iki ibitekerezo.
nukuri twajya twaterimbere rero kuko imbaraga zakoreshwaga ujya Ku murenge tuzajya duhinira hafi kukagari tugaruke tujye mumirimo twitezi mbere
Ni byiza cyane ahubwo bije bikenewe.
Minaloc Irasobanutse rwose pe
Ni byiza cyane
leta yurwanda ireba kure
Nibyiza ko abaturage twegerezwa service rwose kugeza ubu kukagali ubona abakozi ari bake pe kandi bafite inshingano nyinshi.
Tugiye kwegerezwa ubuyobozi, nabakozi bari bakenewe kuko bari bake, dushimiye Leta
Byaba byiza hatekerejwe ku kibazo cy’abakozi ku kagari (ubuke bwabo), hakarebwa n’ikibazi cy’ibikoresho ahasigaye serivisi inoze kdi yihuse = iterambere ry’umuturage.
Nibyizako,akagari kagiye kongererwa abakozi,n’ibikoresho.