Kwiyasa ku butaka byageze no mu nzu z’abaturage ku buryo bishobora kuziviramo gusenyuka

Ni Ibiza abaturage bafata nk’ibidasanzwe mu mudugudu wa karambo, Akagari ka Kabaya, aho abaturage batunguwe no kubona umusozi ucikamo inkangu zitari zisanzwe zikangiriza abaturage.

Umunyamabanga nshingwabikorwa w’uyu murenge Mudacumura Aphrodis avuga ko bari gukora ibarura ry’inzu zangiritse kubera izi nkangu kugira ngo bakunrwe aho batuye.

“Ni Ibiza bidasanzwe, imisozi yacitse inkangu bituma inzu ziyasa, ntituzi icyabiteye, kuko byavuye ku musozi umwe bikajya ku wundi.”

Ubuyobozi bw’umurenge buvuga ko n’ubwo butaramenya icyateye ibi biza, cyakora ngo barimo gukora ubuvugizi kugira ngo Minisitere ishinzwe gucunga Ibiza iboherereze impugucye zamenya igitera iki kiza.

Aho ni mu nzu y’umwe mu baturage yiyashije

Umuyobozi w’Ishami rishinzwe ubutabazi no gusana ibyangijwe n’ibiza muri MIDIMAR, Philippe Habinshuti, atangaza ko iki kibazo bamaze kukimenya kandi bohereje umukozi wa Ministere kujya kureba uko bimeze.

Ati “Twabimenye muri iki gitondo, ubu twohereje umukozi kureba ubukana bw’ikiza, ibyangiritse n’ubufasha abaturage bakeneye, nyuma ya raporo nibwo turamenya icyo gukora no gufashisha abangirijwe.”

Abaturage mu murenge wa Murundi, bavugako Atari ubwambere iki kiza kibaye kuko ngo kigeze kuba 1963 nabwo abaturage bava mu byabo.

Kwiyasa k’uwo musozi, abaturage babifashe nk’ibidasanzwe

MENYA UMWANDITSI

Sylidio Sebuharara

Umunyamakuru

@ sebuharara

Reba inkuru zose nanditse ( 1631 )