John Kerry Yunamiye abazize Jenoside yakorewe Abatutsi

Umunyamabanga wa Leta zunze ubumwe za Amerika John Kerry, ku mugoroba wo kuri uyu wa Gatanu yasuye Urwibutso rwa Jenoside rwa Kigali, yunamira imibiri isaga ibihumbi 250,000 irushyinguyemo.

John Kerry Yunamiye abazize Jenoside yakorewe Abatutsi ku rwibutso rwa Jenoside rwa Kigali
John Kerry Yunamiye abazize Jenoside yakorewe Abatutsi ku rwibutso rwa Jenoside rwa Kigali

Mu butumwa yatanze kuri uru rwibutso yashimiye Leta y’u Rwanda ku ntambwe imaze gutera mu gusana imitima y’abanyarwanda, ndetse no guharanira ko Jenoside itazasubira ukundi .

Yagize ati “ Iyi nzu ni uburuhukiro bwiza bukomoka ku mahano yabagwiririye “.

Ubutumwa John Kerry yanditse mu gitabo cy'abashyitsi
Ubutumwa John Kerry yanditse mu gitabo cy’abashyitsi

John Kerry yageze mu Rwanda kuri uyu wa Kane, aje kwitabira inama ya 28 y’ibihugu byasinye amasezerano ya Montreal Protocol iteraniye i Kigali.

Iyi nama igamije kuvugurura aya masezerano , hagamije icibwa ry’ikoreshwa ry’imyuka ya Hydrofluorocarbons igira uruhare rukomeye mu kwangiza akayunguruzo k’imirasire y’izuba kazwi ku izina rya Ozone.

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka