Komiseri mukuru w’ikigo cy’igihugu gishinzwe imfungwa n’abagororwa RCS avuga kohagikorwa iperereza ku cyateye iyo nkongi

Impamvu yateye iyo mpanuka y’inkongi ntiramenyekana, ariko ngo yatangiye ahagana mu ma saa mbiri n’igice z’igitondo, ihera mu byumba bitatu by’abagororwa yangiza ibikoresho bifashisha mu buzima bwa buri munsi, nk’uko Komiseri Mukuru ushinzwe ikigo gishinzwe imfungwa n’abagororwa RCS , George Rwigamba yabitangaje.

Yavuze kandi ko nyuma y’uko iyi gereza ifatwa n’umuriro hahise hakazwa umutekabno ku buryo nta mugororwa n’umwe uyifungiyemo watorotse.

Ati "Hagiye gutangira iperereza kugira ngo hamenyekane icyateye iyi nkongi n’ingano y’ibyangirikiyemo".

Ishami rya Polisi rishinzwe guhangana n’inkongi ryitwaje imodoka zigera kuri enye zifashishwa mu kuzimya inkongi, nizo zitabajwe zibasha guhagarika iyi nkongi itarangiza cyane iyi gereza.

Imwe mu modoka zifashishwa mu guhangana n’inkongi

Imyotsi yatangiye kugabanuka mu kirere

Abagororwa bamaze gushyirwa ahantu hizewe hitaruye ahafashwe n’inkongi

Gereza ya Kimironko yafashwe n’inkongi y’umuriro

Ikirere cya Gereza cyuzuye imyotsi