Abarwanyi ba M23 bahungiye mu Rwanda bahabwa amabwiriza mbere yo kwimurirwa mu Karere ka Karongi

Aba barwanyi bageze mu Rwanda ku wa 29 Mutarama 2017, bajyanywe kure y’Umupaka, mu rwego rwo kubahiriza Amategeko Mpuzamahanga agenga impunzi z’abasirikare.

Aya mategeko asaba ko umurwanyi uhunze igihugu ashyirwa kure y’aho ahunze, nibura ku birometero 50 uvuye ku mupaka, nk’uko Dr Dushime Dyrckx Umuyobozi w’ Umuryango utabara imbabare Croix Rouge mu Karere ka Rubavu yabitangaje.

Yagize ati "Tubajyanye i Gisovu mu Karere ka Karongi, niho tuzakomereza kubitaho."

Burira imodoka bagana Karongi

Lt Col Ndayambaje Nyangara ukuriye aba barwanyi, avuga ko bashimira cyane u Rwanda rwabakiriye rukabavana mu kaga bari barimo.

Avuga ko byabagaragarije koko ko u Rwanda ari igihugu cyubahiriza amategeko mpuzamahanga agenga uburenganzira bwa muntu.

Abarwanyi bahoze ari aba M23, bahungiye mu gihugu cya Uganda mu mwaka wa 2013, nyuma yo gutsindwa n’ ingabo za Congo zifatanyije n’itsinda ridasanzwe rya Monusco.

Ku itariki ya 15 Mutarama 2017, ni bwo Leta ya Congo yatangaje ko aba barwanyi bongeye kwinjira ku butaka bwayo bitwaje intwaro.

Ingabo z’u Rwanda zabakiriye neza zikurikiza amategeko agenga impunziz’abasirikare

Bashima ko rwabafashije kuva mu Kaga

MENYA UMWANDITSI

Sylidio Sebuharara

Umunyamakuru

@ sebuharara

Reba inkuru zose nanditse ( 1630 )