KT TV
RWANDA DAY YAGARUTSE! Twibukiranye izabanje uko byari byifashe
Kuwa gatandatu tariki 3 Ukwakira 2015, Abanyarwanda baba hanze bazahurira mu Buholandi mu birori ngarukamwaka bya Rwanda Day basangira ibyishimo.
Uyu munsi watangiye kwizihizwa mu 2011, umenyerewe guhuza Perezida Kagame n’imbaga y’Abanyarwanda baba hanze baganira ndetse banungurana inama ku cyateza u Rwanda imbere. Buri mwaka ibi birori bibera mu mujyi utandukanye.
Uyu mwaka Rwanda Day irabera mu Buholandi.
Twabahitiyemo amwe mu mafoto agaragaza uko ibi birori byagiye bigenda buri mwaka kuva byatangira.
Rwanda Day Chicago, 2011
Perezida Kagame niwe uba ari umushyitsi mukuru. Aha yarimo kuvuga ijambo mu birori bya Rwanda Day ya mbere yabereye mu mujyi wa Chicago muri Leta zunze Ubumwe za Amerika.
Buri wese ahabwa umwanya agatanga igitekerezo cyangwa akabaza ikibazo afite.
Abanyarwanda bari babyitabiriye ari benshi.
Abenshi mu babyitabira baba ari abacuruzi n’abandi bafite cyangwa bashaka kumva imishinga baza gukorera mu gihugu.
Abanyamahanga nabo ntibaba batanzwe.
Imyidagaduro iba ari yose. Aha abahanzi Alpha rwirangira n’umucuranzi Mihigo Chouchou bari gususurutsa abari mu birori.
Imbyino gakondo nazo ziri mu ziba zishimiwe n’abari muri Rwanda Day.
Abahanzi Nyarwanda bari bagezweho icyo gihe bari babukereye.
Nyuma y’ibirori ababyitabiriye bose bagira umwanya wo gusangira no kuganira.
Rwanda Day Paris, 2011
Abitabiriye ibirori bya Perezida Kagame ahura n’Abanyarwanda baba mu Bifaransa bari bazindutse kare.
Bamwe bagize n’umwanya wo kugaragariza amahanga icyo batekereza kuri Perezida Kagame, babinyujije mu rugendo.
Perezida Kagame yahuye n’Abanyarwanda baba mu Bufaransa nyuma yo kugirana ibiganiro na Perezida w’u Bufaransa wari uriho icyo gihe Nicolas Sarkozy.
Perezida Kagame akigera aho ibirori byabereye yasanze ashagawe n’imbaga nyinshi.
Abanyarwanda bagaragazaga akanyamuneza mu gihe ibirori byabaga.
Wari n’umwanya wo kongera guhura kuri bamwe batari baherukanye. Aha Minisitiri w’Ububanyi n’Amahanga yaganiraga na bamwe mu batuye mu Bufaransa.
Nyuma y’ijambo rya Perezida Kagame, yafashe n’umwanya wo gusubiza ibibazo by’amatsiko abitabiriye ibi birori bamubazaga.
Perezida Kagame yabwiye Abanyarwanda baba mu Bufaransa ko bakwiye kwihesha agaciro kandi bagakunda n’igihugu cyabo.
Ibi birori byari byitabiriwe n’Abanyamahanga bashaka kumva ku mabanga y’iterambere ry’u Rwanda.
Umuhanzi Kitoko ari mu bashyuhije abantu kuri uwo munsi.
Rwanda Day London, 2013
Perezida Kagame yongeye guhura n’Abanyarwanda mu mujyi wa Londres mu kindi gikorwa cya Rwanda day, aho Abanyarwanda baba mu Bwongereza n’abaturutse ahandi bahahuriye bagasabana.
Abanyarwanda bahuriye i Londres bari bizihiwe
Madame jeannette Kagame nawe yari mu bitabiriye ibyo birori.
Abitabiriye ibirori bari benshi.
Intore Masamba nkuko bisanzwe nityahatanzwe mu gususurutsa abari bari mu birori.
Abo bahanzi bacurangisha gitari nabo bagaragaje ubuhanga bwabo.
Perezida Kagame mu mpanuro ze yavuze ko Abanyarwanda baba hanze bagomba kwibuka iwabo.
Perezida Kagame yafashe n’umwanya wwo gusubiza ibibazo byabajijwe no kungurana ibitekerezo n’Abanyarwanda baba hanze.
Rwanda Day Toronto, 2013
Rwanda Day yari isubiye ku mugabane wa Amerika mu gihugu cya Canada mu mujyi wa Toronto.
Abanyarwanda n’inshuri z’u Rwanda bari bateraniye mu mujyi wa Toronto.
Abanyarwanda baba muri Canada ni uku bari babukereye.
Abanyamahanga bakunda u Rwanda nabo bari baje kwihera ijisho ibirori Nyarwanda.
Ubwitabire bwari ubwo.
Perezida Kagame yasanze ategerezanyijwe urugwiro n’Abanyarwanda baba Canada.
Perezida Kagame ageza ijambo ku bitabiriye ibirori.
Perezida Kagame yafashe n’umwanya wo kungurana ibitekerezo n’Abanyarwanda baba hanze.
Rwanda Day Dallas, 2014
Utwo ni tumwe mu dushya twaranze Rwanda Day yabereye i Dallas.
Uyu mwana muto yifuje guhura na Perezida Kagame na Madamu Jeannette Kagame.
Nyuma y’Ibirori nyirizina byaranzwe n’ubusabane no gusangira amafunguro
Urubyiruko rwahawe umwanya rugaragaza ibitekerezo byarwo.
Abo bakobwa bashimishije benshi mu muvugo w’ubuhanga.
Umuyobozi wa Leta ya Atlanta Rwanda Day yabereyemo nawe yari yitabiriye.
Umuyobozi w’ikigo k’igihugu k’imiyoborere Prof Shyaka Anastase ayoboye gahunda.
Kigali Today
Ibitekerezo ( 4 )
Ohereza igitekerezo
|
|
Rwandaday tuba tuyitegereje turi benshi kuko tuhungukira byinshi tukanamenya aho igihugu cyacu kigeze mwiterambere
genda rwanda uri nziza. ibi ntako bisa kubona abatuye igihugu basura bene wabo imahanga. abazashaka kudutanya ntaho bazanyura Paul kagame yararwubatse kabisa
Perzida KAGAME yaje mu Rwanda mugihe gikwiye, aje kurwubaka koko
Rwanda nziza nkundira nkuririmbe,.....we are proud of you,
ariko umusaza ntako aba atagize kubakorera kugeza naho abasanga mumahanga, nakomeze kabisa ntakizamukoma munkokora Imana dusenga irahali.